Վլադիմիր Զելենսկին Ուկրաինայի խորհրդարան է ներկայացրել օրինագծեր՝ ռազմական դրությունը և ընդհանուր մոբիլիզացիան ևս 90 օրով երկարաձգելու մասին։
«Նախատեսվում է համընդհանուր զորահավաքի ժամկետը երկարացնելու մասին Ուկրաինայի նախագահի հրամանագրի հաստատումը, որով 2024 թվականի նոյեմբերի 10-ից ընդհանուր զորահավաքի ժամկետը երկարաձգվում է 90 օրով»,- ասված է բացատրական գրության տեքստում, որը հրապարակվել է Ռադայի կայքում։
Ուկրաինայում ռազմական դրության ռեժիմ է մտցվել 2022 թվականի փետրվարի 24-ից, հաջորդ օրը Զելենսկին հրամանագիր է ստորագրել ընդհանուր մոբիլիզացիայի մասին։
