Միջազգային խոշոր ապրանքանիշերը Չինաստանում վաճառքի անկում են գրանցում, քանի որ երկրի բնակիչներն ավելի շատ տեղական ապրանքանիշեր են օգտագործում: Այս մասին հաղորդում է Bloomberg-ը։
Հրապարակման մեջ նշվում է, որ L’Oréal-ի վաճառքները Հյուսիսային Ասիայում, ներառյալ Չինաստանում, 2024 թվականի երրորդ եռամսյակում նվազել են 6,5%-ով։ Ընկերության գործադիր տնօրենը տարածաշրջանում վաճառքի անկումը կապում է «սպառողների հոռետեսության» հետ:
Մասնավորապես, ի տարբերություն ֆրանսիական ընկերության, չինական կոսմետիկայի Proya Cosmetics Co. հայտնել է վաճառքի և շահույթի 21 տոկոս աճ երեք ամսվա ընթացքում։Արևմտյան ապրանքանիշերի վաճառքի նվազման միտում է նկատվում ոչ միայն գեղեցկության արտադրանքի ոլորտում։ Այսպես, LVMH կոնգլոմերատը (Louis Vuitton Moet Hennessy) հայտնել է Չինաստանում վաճառքի վատագույն ցուցանիշները համաճարակից ի վեր:
Չինական Luckin Coffee և Cotti Coffee սրճարանները հաղթում են Starbucks-ին, որը շարունակում է կորցնել շուկայի մասնաբաժինը Չինաստանում:
Նաև հագուստի մանրածախ առևտրով զբաղվող Nike-ը և Uniqlo-ն են ապրանքի վաճառքի անկում գրանցում, քանի որ չինացի սպառողները նախընտրում են ավելի էժան տեղական այլընտրանքներ:
Չինացի փորձագետ Հերնան Ցուեյի կարծիքով, չինացի սպառողները «ավելի զգայուն են դարձել գների նկատմամբ» և, հետևաբար, «ավելի հարմար արժեք ունեցող ապրանքներ են փնտրում թույլ տնտեսական աճի միջավայրում»:
«Տեղական ապրանքանիշերը հաղթում են», – եզրափակել է փորձագետը։
