«Ես չգիտեմ Հոկտեմբերի 27-ի բացահայտմանն ինչն է խոչընդոտում, դա պետք է հարցնել քննչական մարմիններին,դատախազությանը,ինձ համար գործը բացահայտված է»,- ԱԺ բակում Հոկտեմբերի 27-ի զոհերի հիշատակին հարգանքի տուրք մատուցելիս ասաց ՀՀ նախկին վարչապետ, Հոկտեմբերի 27-ին սպանված Վազգեն Սարգսյանի եղբայրը՝ «Հանրապետության» կուսակցության նախագահ Արամ Սարգսյանը:
Նա խուսափել է մարդկանց անուններ տալ՝ նշելով, որ ժամանակների ու իրավիճակների գնահատական է տալիս,իսկ այդ գնահատականը 25 տարի առաջ ու այսօր քաղաքական իրավիճակները գրեթե նույնն են, այսօր էլ կա պետություն, որը կողմ է Մեղրիով միջանցք ունենալուն, Մեղրին Լաչինով փոխանակելուն, և կան քաղաքական գործիչներ ու անհատներ,ովքեր այն ժամանակ էլ կողմ էին և դա համարում էին լավ տարբերակ և հիմա էլ համարում են լավ տարբերակ:Եվ կա պետություն,որը դրա դեմ է,այդ պետության անունը ԱՄՆ-ն է,որն այն ժամանակ էլ թույլ չտվեց և դա էր պատճառը,որ Հեյդար Ալիևը դեմ գնաց այդ տարբերակին,ինչի համար էլ Ալիևին բոնուսներ տվեցին,դրան դեմ էր այն ժամանակ եղբայրս և դեմ էր Կարեն Դեմիրճյանը:Հիմա էլ այսքան տարի 1999 թ.-ից մշտապես դես եմ եղել ես:
Հարցին, որ այս իշխանությունները խոստացել էին,բայց չբացահայտեցին Հոկտեմբերի 27-ը,Արամ Սարգսյանն ասաց,- «Այդ հարցը տվեք իշխանությանը, թե ինչն է խագարել,բացահայտելու, ես կարծում եմ, որ արտաքին քաղաքական հետքից բացի կան ներքաղաքական մասնակիցներ,որոնք քրեական գործով անցնում են և այս համատեքստում բացահայտման հնրավորություններն ու գործը նորից վերսկսելն ինչքանով է հնարավոր, չեմ կարող գնահատել, դա լուրջ իրավաբանական խնդիր է,որվհետև վկաների մի ստվար զանգված բանտերում մահացան, մի ստար զանգված տարբեր երկրներում մահացան ու անհետ կորան, դա այնքան էլ հեշտ չէ,անկախ նրանից,ուզում է բացահայտել, այս իշխանությունը գործը թե ոչ»։
