Թեհրանը սպասում է, որ Բելառուսի նախագահ Ալեքսանդր Լուկաշենկոն 2026 թվականին կայցելի Իրան, լրագրող Գրիգորի Ազարենոկի հետ հարցազրույցում հայտարարել է Իսլամական Հանրապետության արտաքին գործերի փոխնախարար Սաիդ Խատիբզադեն։
«Մենք ակնկալում ենք Բելառուսի Հանրապետության նախագահի բարձր մակարդակի այցը Իրան հաջորդ տարի», – ասել է դիվանագետը։ Նրա խոսքով՝ երկու երկրների միջև հարաբերությունները դինամիկ զարգանում են։ Միևնույն ժամանակ, Խատիբզադեն կարծում է, որ Մինսկն ու Թեհրանը շատ բան ունեն անելու հարաբերությունները ամրապնդելու համար, հատկապես երկու երկրների ժողովուրդների և բիզնեսի միջև։
«Օրինակ, Իրանը ներկայումս միակողմանիորեն վերացրել է վիզաները Բելառուսի քաղաքացիների համար։ Եվ մենք հույս ունենք, որ եթե Բելառուսը վերացնի վիզաները, մենք նույնպես կկարողանանք մեր զբոսաշրջիկներին ուղարկել»,-ասել է փոխարտգործնախարարը։ Խատիբզադեի խոսքով՝ Բելառուսը և Իրանը ունեն տրանսպորտային միջանցքների օգտագործման տարբեր նախագծեր։
Թեհրանը հույս ունի, որ այս և այլ համատեղ նախագծերը մոտ ապագայում արդյունք կտան։
