Վրաստանի նախագահ Սալոմե Զուրաբիշվիլին քվեարկել է խորհրդարանական ընտրություններում՝ վստահություն հայտնելով, որ այսօր «Վրաստանը կհաղթի», հաղորդում է NewsGeorgia-ն։
«Այս անգամ ես քվեարկել եմ ոչ թե ինչ-որ մեկի օգտին, այլ ինչ-որ բանի։ Ես քվեարկել եմ նոր Վրաստանի օգտին, որի համար եկել եմ այս երկիր 22 տարի առաջ, որի համար իմ նախնիներն աղոթել են։ Ես քվեարկել եմ Վրաստանի օգտին, որի համար, վստահ եմ, աղոթում է ողջ Վրաստանը։
Այս երեկո մենք բոլորս կլինենք հաղթողներ: Ոչ ոք չի պարտվի, քանի որ հաղթելու է Վրաստանը»,- ասել է Զուրաբիշվիլին։
