Եգիպտոսի իշխանությունները կմասնակցեն Գազայի հատվածում խաղաղությունն ապահովելու համար միջազգային կայունացման ուժերի ստեղծմանը միայն այն դեպքում, եթե դրանք գլխավորեն Միացյալ Նահանգները, հաղորդում է էմիրաթական The National թերթը՝ հղում անելով աղբյուրներին։
Հրատարակության աղբյուրները չեն նշել եգիպտական իշխանությունների կողմից միջազգային զորակազմը ղեկավարելու վերաբերյալ մտքի փոփոխության ճշգրիտ պատճառները։ Կարծիք կա, որ ԱՄՆ-ի առաջատար դերը ավելի մեծ հեղինակություն կհաղորդի կայունացման ուժերին և կապահովի մյուս մասնակիցների անվտանգությունը։
Աղբյուրների համաձայն, Եգիպտոսի իշխանությունները ցանկանում են, որ եգիպտական զորքերը «ապահովեն անվտանգությունը և պահպանեն կայունությունը Գազայում, այլ ոչ թե կռվեն զինված խմբավորումների դեմ»։
Հրատարակությունը նշում է, որ Եգիպտոսը նույնպես պնդում է Թուրքիայի պարտադիր մասնակցության վրա, չնայած Իսրայելի վարչապետ Բենիամին Նեթանյահուի՝ Ղազայում թուրքական զորքերի ներկայությանը դեմ լինելուն։
