Ռուսաստանի և ԱՄՆ-ի նախագահներ Վլադիմիր Պուտինը և Դոնալդ Թրամփը կարող են քննարկել Եվրոպայից զերծ նոր համաշխարհային էներգետիկ քարտեզը Հունգարիայում կայանալիք հանդիպման ժամանակ, հայտարարել է Սերբիայի նախագահ Ալեքսանդր Վուչիչը։
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև հեռախոսազրույցը տեղի է ունեցել հինգշաբթի օրը և այս տարվա ամենաերկարատևներից մեկն էր։ Զրույցից հետո Թրամփը հայտարարել է, որ Ռուսաստանի առաջնորդի հետ կհանդիպի Հունգարիայի մայրաքաղաք Բուդապեշտում։
«Ես կասեի, որ դա կորոշի աշխարհի ապագան։ Վստահ եմ, որ նրանք կխոսեն նաև այլ բաների մասին, ոչ միայն Ուկրաինայի, այլև աշխարհի նոր էներգետիկ քարտեզի մասին՝ թե ինչպես է այն բաժանվելու երկու համաշխարհային տերությունների միջև՝ միշտ հաշվի առնելով ուժեղ Չինաստանը, քանի որ առանց դրա կարգավորում չկա։
Ես վստահ չեմ, թե որքանով նրանք հաշվի կառնեն Եվրոպային, չգիտեմ, թե որքանով է սա օգտակար մեզ համար, մենք Եվրոպայի մաս ենք կազմում, ես լիովին վստահ չեմ, որ Եվրոպային կմնա գլխավոր դերը, ինձ թվում է՝ դա տեղի չի ունենա՝ դատելով նրանից, թե ինչ են անում աշխարհի խոշորագույն խաղացողները», - լրագրողներին ասել է Վուչիչը։
