Սաուդյան Արաբիան և Միացյալ Նահանգները նախատեսում են նոյեմբերին ստորագրել ռազմական համագործակցության համաձայնագիր, որով երկու կողմերն էլ արաբական երկրի վրա ցանկացած հարձակում կդիտարկեն որպես «խաղաղության և անվտանգության սպառնալիք», հաղորդում է բրիտանական Financial Times (FT) թերթը՝ հղում անելով աղբյուրներին։
Նրա խոսքով՝ գործարքը կարող է կնքվել թագաժառանգ Մուհամմեդ բին Սալման ալ Սաուդի՝ հաջորդ ամիս Միացյալ Նահանգներ կատարելիք այցի ընթացքում։ Ակնկալվում է, որ համաձայնագիրը կլինի «ամուր» և կներառի ընդլայնված ռազմական և հետախուզական համագործակցություն։
Սպիտակ տան բարձրաստիճան պաշտոնյան թերթին ասել է, որ «բանակցություններ են ընթանում թագաժառանգի այցի ընթացքում որևէ փաստաթուղթ ստորագրելու վերաբերյալ», սակայն «մանրամասները դեռևս վերջնականապես չեն որոշվել»։
