Ռուսաստանի նախագահ Վլադիմիր Պուտինի առաջիկա այցը Հնդկաստան մեծ նշանակություն ունի երկու երկրների միջև գործընկերության զարգացման համար։
Այս կարծիքը հայտնել է Հնդկաստանի արտաքին գործերի նախկին առաջին փոխնախարար և խորհրդարանի վերին պալատի ներկայիս անդամ Հարշ Վարդհան Շրինգլան՝ պատասխանելով ՏԱՍՍ-ի հարցին Վիվեկանանդա միջազգային հիմնադրամում անցկացված Հնդկաստանի և Ռուսաստանի միջև ռազմավարական գործընկերության 25-ամյակին նվիրված համաժողովի շրջանակներում։
«Սա շատ կարևոր և նշանակալի այց է։ Վստահ եմ, որ մենք կունենանք բազմաթիվ նվաճումներ, որոնք կհայտարարվեն այս այցի ընթացքում», - ասել է նա։ Շրինգլան կարծում է, որ «երկկողմ հարաբերությունների զարգացման տեսանկյունից Պուտինի այցը Հնդկաստան շատ նշանակալի կլինի»։
Խորհրդարանականի խոսքով՝ Հնդկաստանը և Ռուսաստանը «միասին երկար ճանապարհ են անցել»։
«Այսօր այս հարաբերությունները բնութագրվում են վստահությամբ, բարեկամությամբ, համագործակցությամբ և փոխադարձ հարգանքով», - ասել է նա՝ նշելով նաև ամուր տնտեսական գործընկերությունը և պաշտպանության, տիեզերքի և էներգետիկայի ոլորտներում լայնածավալ համագործակցությունը։
