Հունգարիան հույս ունի, որ ԱՄՆ նախագահ Դոնալդ Թրամփի՝ Ուկրաինայում խաղաղություն հաստատելու ջանքերը հաջողությամբ կպսակվեն, լրագրողներին ասել է Հունգարիայի արտաքին գործերի նախարար Պետեր Սիյարտոն «Ռուսական էներգետիկ շաբաթ» (REW) միջոցառման շրջանակներում։
«Ես շատ եմ հույս ունենում, որ խաղաղությունը կվերադառնա Կենտրոնական Եվրոպա։ Մենք կարծում ենք, որ նախագահ Թրամփը Ուկրաինայում խաղաղության միակ հույսն է։
Մենք հույսով լցվեցինք Ալյասկայի գագաթնաժողովից հետո, և մենք դեռ հույս ունենք, որ Թրամփի ջանքերը տարածաշրջանում խաղաղություն հաստատելու համար հաջողությամբ կպսակվեն», - ասել է նա։
Ինչպես նշել է Սիյարտոն, Հունգարիան գիտակցում է, որ այս հակամարտության շարունակման յուրաքանչյուր օրվա հետ սրման ռիսկերը մեծանում են։
«Մենք, որպես հարևան երկիր, իհարկե, հույս ունենք, որ էսկալացիա տեղի չի ունենա», - հավելել է նա։
