Բրիտանացի ընտանեկան բժիշկ Ամիր Խանի խոսքով՝ սիսեռի (թուրքական ոլոռ) օգտագործումը կարող է օգնել նվազեցնել սրտի հիվանդությունների և աղիների քաղցկեղի առաջացման ռիսկը, այս մասին մասնագետն ասել է«Daily Mirror»-ի հետ հարցազրույցում։
Մասնագետը նշում է, որ ի տարբերություն շատ այլ ածխաջրեր պարունակող սննդամթերքների, սիսեռը չի առաջացնում արյան մեջ շաքարի մակարդակի կտրուկ տատանումներ։ Սա այն անվտանգ է դարձնում շաքարախտով տառապող մարդկանց և գլյուկոզի մակարդակը վերահսկող անձանց սննդակարգում ներառելու համար։
«Սիսեռը կարելի է ավելացնել աղցաններին, ապուրներին, ռագուներին կամ օգտագործել որպես խավարտ։ Այս մթերքը հարուստ է կալիումով և մագնեզիումով՝ հանքանյութեր, որոնք նպաստում են սրտանոթային առողջությանը և օգնում են կարգավորել արյան ճնշումը», - հավելել է մասնագետը։
Բժիշկ Խանը նշել է, որ լուծվող մանրաթելերի բարձր պարունակության շնորհիվ այս մթերքը օգնում է նվազեցնել գրգռված աղիքի համախտանիշի ախտանիշների ծանրությունը։ Սիսեռի կանոնավոր օգտագործումը նաև օգնում է կանխել հաստ աղիքի քաղցկեղը։
Թերապևտը բացատրել է, որ սիսեռի մարսողության ընթացքում օրգանիզմը արտադրում է բուտիրատ՝ ճարպաթթու, որն ունի արտահայտված հակաբորբոքային հատկություններ և բարերար ազդեցություն հաստ աղիքի լորձաթաղանթի վրա։ Նախորդ ուսումնասիրությունները ցույց են տվել, որ բուտիրատը կարող է նվազեցնել չարորակ ուռուցքների զարգացման ռիսկը։
Թարգմանությունը՝ Euromedia24.com-ի
