Ամառային տրանսֆերային պատուհանի ընթացքում «Չելսիին» չհաջողվեց վաճառել Ռահիմ Ստեռլինգի տրանսֆերը, ինչից հետո ֆուտբոլիստի վիճակը բարդացել է ակումբում, գրում է Metro-ն:
Լոնդոնյան ակումբում հիասթափված են, որ Ստեռլինգը որևէ ակումբի հետ համաձայնության չհասավ: Նա թիմի ամենաբարձր վարձատրվող ֆուտբոլիստն է՝ շաբաթական 350 հազար եվրո աշխատավարձով: Այժմ անգլիացին մեկուսացած է մյուսներից, ուտում ու մարզվում է միայնակ և նույնիսկ օգտվում է առանձին զուգարանից:
Նախորդ մրցաշրջանում Ստեռլինգը վարձավճարով խաղում էր «Արսենալում», բայց այնտեղ ևս չկարողացավ տպավորիչ ելույթներ ունենալ: Ամառային տրանսֆերային պատուհանի ընթացքում 30-ամյա խաղացողն առաջարկներ է ստացել Սաուդյան Արաբիան և ԱՄՆ-ն ներկայացնող ակումբներից, բայց մերժել է դրանք:
