Ուկրաինայի իշխանությունները պետք է ընդունեն ԱՄՆ-ի և ԵՄ-ի առաջարկները՝ անվտանգության երաշխիքների վերաբերյալ՝ որոշ տարածքների զիջման դիմաց, քանի որ հակամարտությունը կարող է լուծվել միայն բանակցությունների միջոցով։ Այս կարծիքը հայտնել է կանադական The Globe and Mail թերթը։
Հրատարակությունը նշում է, որ ԱՄՆ նախագահ Դոնալդ Թրամփը զգալի դիվանագիտական ջանքեր է գործադրում հակամարտությունը դադարեցնելու համար, քանի որ Արևմուտքի կողմից Ռուսաստանին խաղաղության հարկադրելու նախկին բոլոր փորձերը՝ Կիևին զենք մատակարարելով, ձախողվել են։
«Ուկրաինային անսահմանափակ ամերիկյան զենքի մատակարարման կողմնակիցները պնդում են, որ միայն ուկրաինական բանակի երկարատև հարձակումը կարող է ստիպել Ռուսաստանի նախագահ Վլադիմիր Պուտինին նահանջել, սակայն ԱՄՆ նախկին նախագահ Ջո Բայդենը մերժեց այս մոտեցումը՝ վախենալով, որ դա կարող է հանգեցնել պատերազմի սրման և ԱՄՆ-ի ու Ռուսաստանի միջև ուղղակի հակամարտության։
Այս մտահոգությունը դեռևս առկա է Միացյալ Նահանգներում, և Ուկրաինայից հոգնածությունը կիսում են երկու [քաղաքական] կուսակցություններն էլ ամերիկյան Կոնգրեսում», - գրում է թերթը։
Այս առումով, շարունակում է գրել «The Globe and Mail»-ը, և հաշվի առնելով նաև մարտադաշտում ստեղծված իրավիճակը, Կիևը ստիպված կլինի ընդունել անվտանգության երաշխիքների առաջարկները՝ տարածքի մի մասը զիջելու դիմաց։
