Չոր մաշկը, ծարավը և մուգ մեզը կարող են վկայել ջրազրկման մասին: Այս մասին Pravda.Ru-ին ասել է գործող ռևմատոլոգ և նյարդաբան Պավել Եվդոկիմենկոն:
«Եթե խոսքը ջրազրկման ծանր դեպքերի մասին է, ապա մեզի առատությունը նվազում է, մեզը դառնում է ավելի մուգ», - բացատրել է մասնագետը:
Նրա խոսքով, այս դեպքում հիվանդը կարող է հոգնածություն և գլխացավ զգալ: Դրանից խուսափելու համար բժիշկը կոչ է արել խմել բավարար քանակությամբ պարզ ջուր: Օրգանիզմում էլեկտրոլիտները պահպանելու համար կարելի է դրան մի փոքր աղ ավելացնել, հավելել է Եվդոկիմենկոն:
Բժիշկ Եկատերինա Դմիտրենկոն նախկինում ասել է, որ շոգ եղանակին կարևոր է խմել ավելի շատ մաքուր ջուր, ինչպես նաև սննդակարգին ավելացնել հանքային ջուր և հանքանյութերով հարուստ սնունդ՝ ջրազրկումից խուսափելու համար: Նրա խոսքով, մաքուր ջուր խմելը՝ առանց էլեկտրոլիտները լրացնելու, սպառնում է հակառակ ազդեցություն ունենալ:
Հանքանյութերը լրացնելու համար նա խորհուրդ է տվել խմել ճիշտ կազմով հանքային ջուր, ինչպես նաև ուտել հանքանյութերով հարուստ սնունդ (կանաչեղեն, ընկույզ, բանջարեղեն, ձուկ): Բացի այդ, ջրին կարելի է ավելացնել մի պտղունց հիմալայան աղ:
Թարգմանությունը՝ Euromedia24.com-ի
