Իրանը ողջունում է Ուկրաինայում ռազմական հակամարտությանը վերջ տալու ցանկացած նախաձեռնություն, մասնավորապես՝ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Ալյասկայում վերջերս կայացած հանդիպումը, երկուշաբթի օրը ճեպազրույցի ժամանակ հայտարարել է Իրանի արտաքին գործերի նախարարության խոսնակ Իսմայիլ Բաղային։
«Մենք ողջունում ենք Ուկրաինայում հակամարտության և ռազմական գործողությունների դադարեցմանն ուղղված նախաձեռնությունը։ Այս հակամարտության հենց սկզբից մենք ասել ենք, որ բոլոր հակասությունները պետք է լուծվեն խաղաղ ճանապարհով։
Հետևաբար, մենք ողջունում ենք հակամարտության դադարեցմանն ուղղված ցանկացած նախաձեռնություն, որը գալիս է ցանկացած պետության կողմից», - ասել է Բաղային։
Ավելի վաղ Պուտինը և Թրամփը բանակցություններ են վարել Ալյասկայում: Առաջնորդները հանդիպել են Էլմենդորֆ-Ռիչարդսոնի ռազմաբազայում: Առաջնորդների նեղ կազմով բանակցությունները «երեքը երեքի դեմ» ձևաչափով տևել են 2 ժամ 45 րոպե:
