Իսրայելի պաշտպանության ուժերը (IDF) հայտնել են, որ հարվածներ են հասցրել Լիբանանի Բեքաա հովտում գտնվող շիական «Հեզբոլլահ» շարժման ռազմական թևի՝ «Ռադվան» հատուկ նշանակության ուժերի ռազմական ճամբարներին։
«Իսրայելի ռազմաօդային ուժերը վերջերս հարվածներ են հասցրել Լիբանանի Բեքաա շրջանում գտնվող «Հեզբոլլահ» ահաբեկչական խմբավորման մի քանի թիրախների։ Հարվածների ընթացքում հարձակվել են Ռադվանի ուժերի ճամբարների վրա, որտեղ
հայտնաբերվել են զինյալներ և զենքի պահեստներ», - ասվում է բանակի մամուլի ծառայության հայտարարության մեջ։
Իսրայելական զինվորականների տվյալներով՝ «հարձակման ենթարկված ռազմական ճամբարները «Հեզբոլլահ» շարժման կողմից օգտագործվել են Իսրայելի պետության դեմ ահաբեկչական գործողություններ իրականացնելու համար զինյալներին մարզելու և նրանց պատրաստելու համար»։
