ԱՄՆ նախագահ Դոնալդ Թրամփը չորեքշաբթի օրը Truth Social-ում արված գրառման մեջ հայտարարել է ԱՄՆ պղնձի ներմուծման վրա 50 տոկոս մաքսատուրքի սահմանման մասին։
«Մեր ազգային անվտանգության մանրակրկիտ գնահատումից հետո ես հայտարարում եմ պղնձի վրա 50% մաքսատուրքի սահմանման մասին, որը ուժի մեջ կմտնի 2025 թվականի օգոստոսի 1-ից», - ասել է Թրամփը։ Նա նշել է, որ Միացյալ Նահանգներին պղինձը անհրաժեշտ է կիսահաղորդիչների, ինքնաթիռների, նավերի, զինամթերքի, մարտկոցների, ռադարային համակարգերի, հրթիռային պաշտպանության համակարգերի, հիպերձայնային զենքի արտադրության և տվյալների կենտրոններ կառուցելու համար։
«Պղինձը Պաշտպանության նախարարության կողմից երկրորդ ամենաշատ օգտագործվող նյութն է», - ընդգծել է ամերիկացի առաջնորդը։ Միևնույն ժամանակ, նա կարծիք է հայտնել, որ պղնձի ներմուծման վրա մաքսատուրքի սահմանումը կուղղի նախկին նախագահ Ջո Բայդենի ամերիկյան նախորդ վարչակազմի կողմից թույլ տրված սխալները՝ նրան մեղադրելով «անխոհեմ վարքագծի և հիմարության» մեջ։
