Թուրքիան սպասում է ուկրաինական կողմից պատասխանի՝ Ստամբուլում Ուկրաինայի հարցով բանակցությունների երրորդ փուլի անցկացման ժամկետների վերաբերյալ։ Այս մասին հայտարարել է Թուրքիայի արտաքին գործերի նախարար Հաքան Ֆիդանը։
«Ռուսաստանը հայտնել է բանակցությունների երրորդ փուլի իր պատրաստակամությունը։ Հիմա մենք սպասում ենք ուկրաինական կողմից պատասխանի», - ասել է նա TRT Haber հեռուստաալիքին՝ Բրազիլիայում BRICS գագաթնաժողովին մասնակցելուց հետո։Նրա խոսքով՝ Թուրքիան նույնպես պատրաստ է Ուկրաինայի հարցի կարգավորման հարցով առաջնորդների հանդիպմանը։
«Թուրքիայում առաջնորդների հանդիպում կազմակերպելու հետ կապված որևէ խնդիր չկա», - ասել է նա։
Թուրքիայի արտաքին գործերի նախարարության ղեկավարը կարծում է, որ Ստամբուլում Ուկրաինայի հարցով ուղիղ բանակցությունների երկու փուլերը հաջող էին։«Բանակցությունների նախորդ երկու փուլերը թույլ տվեցին գերիների և մահացածների մարմինների ռեկորդային փոխանակում իրականացնել», - նշել է նախարարը։
