Իրանը կհամարվի Մեծ Բրիտանիայի ազգային անվտանգությանը սպառնացող ամենամեծ սպառնալիքներից մեկը, հաղորդում է The Daily Telegraph-ը՝ հղում անելով խորհրդարանական հետախուզության և անվտանգության հանձնաժողովի կողմից ձեռք բերված գաղտնի զեկույցին։
Հրատարակության տվյալներով՝ 100 էջանոց փաստաթուղթը, որի պատրաստումը տևել է երկու տարի, կպարունակի եզրակացություն, որ իրանական հետախուզական ծառայությունները, ենթադրաբար, փորձում են ֆիզիկապես վերացնել այլախոհներին Միացյալ Թագավորության տարածքում։
Հոդվածում նշվում է, որ զեկույցը, որը հիմնված է բրիտանական հետախուզության աշխատակիցների հետ հարցազրույցների և գաղտնի փաստաթղթերի ուսումնասիրության վրա, կանդրադառնա նաև այն վնասին, որը, ենթադրաբար, իրանցի հաքերները հասցնում են Մեծ Բրիտանիայի ընկերություններին։
Ինչպես պարզաբանում է The Daily Telegraph-ը, զեկույցի պատրաստման համար համաձայնություն է տվել անձամբ Մեծ Բրիտանիայի վարչապետ Քիր Սթարմերը։ Հոդվածում չի նշվում, թե երբ այն կհրապարակվի։
