Իրանում Իսրայելի հարձակումների հետևանքով զոհերի թիվը հասել է 950-ի, մոտ 5000 մարդ վիրավորվել է, հայտարարել է Իրանի Կարմիր մահիկի ընկերության ղեկավար Պիր Հոսեյն Կոլիվանդը։
«Մեր երկրի դեմ սիոնիստական ռեժիմի վերջին ագրեսիայի հետևանքով զոհվել է մեր 950 հայրենակից։ Զոհերի թվում են 102 կին և 38 երեխա։ Վիրավորվել է մոտ 5 հազար մարդ, որոնց 70%-ը քաղաքացիական անձինք են», - նրա խոսքերն է մեջբերում Defa Press պորտալը։ Հունիսի 30-ին Իսլամական Հանրապետության դատական իշխանության ներկայացուցիչ Ասղար Ջահանգիրը հայտնել է 935 զոհի մասին։
Կոլիվանդի խոսքով՝ իսրայելական հարձակումների հետևանքով ավերվել է 377 բնակելի շենք, իսկ 2160-ը՝ վնասվել։
Ավելի վաղ Իրանի կառավարության խոսնակ Ֆաթեմեհ Մոհաջերանին հայտարարել էր, որ Իսրայելի կողմից Իսլամական Հանրապետությանը հասցված հարվածների հետևանքով վիրավորվել է 5646 իրանցի։
