Բելառուսի նախագահ Ալեքսանդր Լուկաշենկոն հայտարարել է, որ երկրի դեմ տասնամյակներ շարունակ մղվում է մշտական հիբրիդային պատերազմ, և բելառուսական բանակը ի վիճակի է ամենախիստ պատասխանը տալ ցանկացած ագրեսիվ հարձակմանը։
Լուկաշենկոն այս մասին ասել է բարձրագույն ռազմական ուսումնական հաստատությունների շրջանավարտներին և ավագ սպաներին նվիրված արարողության ժամանակ, հաղորդում է «Բելտա» գործակալությունը։
«Մեր դեմ արդեն մի քանի տասնամյակ է, ինչ մղվում է մշտական հիբրիդային պատերազմ, և այն միայն թափ կստանա ապագայում։ Մենք ունենք պատասխան», - նշել է Բելառուսի նախագահը։
Նրա խոսքով՝ երեք տասնամյակների ընթացքում երկրում ստեղծվել է ժամանակակից, մարտունակ, լավ զինված բանակ։ «Մենք պատրաստ ենք ամենախիստ պատասխանը տալ ցանկացած ագրեսիվ հարձակման», - վստահեցրել է բելառուս առաջնորդը։
