Իսրայելի վարչապետ Բենիամին Նեթանյահուն առաջիկա օրերին կայցելի Վաշինգտոն և հուլիսի 7-ին Սպիտակ տանը բանակցություններ կվարի ԱՄՆ նախագահ Դոնալդ Թրամփի հետ, հայտնում է Associated Press լրատվական գործակալությունը և Axios-ի թղթակից Բարաք Ռավիդը։
Ամերիկացի և իսրայելցի առաջնորդների միջև առաջիկա հանդիպման օրակարգը դեռևս մանրամասնորեն չի հրապարակվել։ Այնուամենայնիվ, ենթադրվում է, որ կողմերը հիմնականում կքննարկեն Իրանի և Գազայի հատվածի շուրջ ստեղծված իրավիճակը։
Իսրայելը հունիսի 13-ի գիշերը ռազմական գործողություն սկսեց Իրանի դեմ։ Մեկ օր էլ չանցած՝ Իսլամական Հանրապետությունը հակագրոհ սկսեց։
Միացյալ Նահանգները հակամարտության մեջ մտավ դրա սրացումից ինը օր անց. հունիսի 22-ի գիշերը ամերիկյան ուժերը հարձակվեցին իրանական երեք միջուկային օբյեկտների վրա։
