Թեհրանը երբեք չի հրաժարվի իր խաղաղ միջուկային ծրագրի համար ուրանի հարստացումից, հայտարարել է ՄԱԿ-ում Իրանի դեսպան Ամիր Սաիդ Իրավանին։
Նա հիշեցրել է, որ Միջուկային զենքի չտարածման մասին պայմանագրի համաձայն՝ Թեհրանն իրավունք ունի արտադրել հարստացված ուրան և օգտագործել այն խաղաղ նպատակներով։
Իրանական ուրանի ճակատագիրը մնում է գաղտնիք՝ գրում են ԶԼՄ-ները: Արևմտյան իշխանությունները և Ատոմային էներգիայի միջազգային գործակալությունը (ԱԷՄԳ) ճշգրիտ տվյալներ չունեն այն մասին, թե ԱՄՆ-ի ու Իսրայելի ավիահարվածներից առաջ ինչ է եղել Իրանի մոտ 400 կգ բարձր հարստացված ուրանը:
ԱԷՄԳ-ի հրապարակային գնահատականի համաձայն՝ 2025 թ. պատերազմից առաջ Իրանն ուներ ավելի քան 400 կգ մինչև 60% հարստացված ուրան: Դա 90%-ով մոտ է միջուկային զենքի արտադրության համար պիտանի հարստացման մակարդակին։ Reuters-ի տվյալներով՝ այդ քանակը բավարար է 9 ատոմային ռումբ ստեղծելու համար։
Ավելի վաղ Իրանի իշխանությունները հայտարարել էին, որ նրանք տարհանել են միջուկային օբյեկտները ԱՄՆ հարվածներից առաջ: Այդ մասին են հայտնել եվրոպական հետախուզական ծառայությունները: Դա չի բացառել նաև Ատոմային էներգիայի միջազգային գործակալության ղեկավար Ռաֆայել Գրոսին:
Սակայն Վաշինգտոնը համաձայն չէ, որ Իրանին հաջողվել է հարստացված ուրանը դուրս բերել միջուկային օբյեկտներից։ Նախագահ Դոնալդ Թրամփը և Պենտագոնի ղեկավար Փիթ Հեգսեթը բացառել են այդ հնարավորությունը։
