Թուրքիան և Մեծ Բրիտանիան աջակցում են Ռուսաստանի և Ուկրաինայի միջև կրակի դադարեցման ջանքերին, հայտարարել է Թուրքիայի արտգործնախարար Հաքան Ֆիդանը Անկարայում իր բրիտանացի գործընկեր Դեյվիդ Լամիի հետ բանակցություններից հետո։
«Մեր տեսակետները Գազայի, Սիրիայի, Իրանի, Իրաքի, Ռուսաստանի և Ուկրաինայի միջև պատերազմի հարցերի վերաբերյալ մեծ մասամբ համընկնում են։ Երկու կողմերն էլ աջակցում են Ռուսաստանի և Ուկրաինայի միջև կրակի դադարեցման ջանքերին», - ասել է Ֆիդանը։
Նրա խոսքով՝ երկու երկրների համար ռազմավարական նպատակներից մեկը Իրանի և Իսրայելի միջև հրադադարի պահպանումն է, «դրա խախտումը կանխելը և երկարատև խաղաղության վերադարձը»։
«Մյուս կողմից, մեզ համար կարևոր է որքան հնարավոր է շուտ վերջ դնել Գազայում տեղի ունեցող մարդասիրական ողբերգությանը», - ասել է Ֆիդանը՝ նշելով, որ պաղեստինյան խնդրի կարգավորումը կարող է իրականացվել միայն երկու պետությունների լուծման հիման վրա։
