Ռուսաստանի նախագահի մամուլի քարտուղար Դմիտրի Պեսկովը, պատասխանելով Ռուսաստանի և Ուկրաինայի միջև բանակցությունների երրորդ փուլի ամսաթվի վերաբերյալ հարցին, հայտարարել է, որ այս հարցի շուրջ պարզաբանում կստացվի մոտ ապագայում։
«Մենք սպասում ենք, որ նման պարզություն կլինի մոտ ապագայում», - լրագրողներին ասել է Պեսկովը։
Ռուսաստանի և Ուկրաինայի միջև բանակցությունների երկրորդ փուլը տեղի է ունեցել հունիսի 2-ին Թուրքիայում: Հանդիպումը Ստամբուլի Չիրագան պալատում տևել է մեկ ժամից ավելի: Կողմերը փոխանակվել են հակամարտության կարգավորման վերաբերյալ հուշագրերով:
Ինչպես բանակցություններից հետո հայտնել է ռուսական պատվիրակության ղեկավար Վլադիմիր Մեդինսկին, Ռուսաստանը և Ուկրաինան համաձայնության են եկել գերիների լայնածավալ փոխանակման շուրջ: Բացի այդ, կողմերը քննարկել են որոշակի տարածքներում հրադադարի ռեժիմը, որպեսզի հնարավոր լինի հավաքել զոհվածների մարմինները:
Մեդինսկու խոսքով՝ ուկրաինական կողմը սկսել է աշխատել այս առաջարկի վրա, սակայն բառացիորեն երկու ժամ անց Վլադիմիր Զելենսկին հրապարակավ հրաժարվել է ենթադրյալ համաձայնագրից։ Մեդինսկին ընդգծել է, որ Ռուսաստանի Դաշնությունը կատարել է Ստամբուլում տված խոստումները։
