ԱՄՆ նախագահ Դոնալդ Թրամփը հերքել է լրատվամիջոցների այն տեղեկությունները, որ ԱՄՆ վարչակազմը պլանավորում է օգնել Թեհրանին ստանալ մոտ 30 միլիարդ դոլարի ներդրում խաղաղ միջուկային ծրագրի զարգացման համար, եթե Իրանը հրաժարվի ուրանի հարստացման գաղափարից։
«Ո՞վ է ստախոս լրատվամիջոցներից ասում, որ «նախագահ Թրամփը ցանկանում է Իրանին 30 միլիարդ դոլար տրամադրել ոչ ռազմական միջուկային օբյեկտներ կառուցելու համար»։ Ես երբեք չեմ լսել այս ծիծաղելի գաղափարի մասին։ Սա պարզապես ևս մեկ սուտն է, որը հորինել են ստախոս լրատվամիջոցները՝ ինձ նվաստացնելու համար։ Այս մարդիկ հիվանդ են», - գրել է պետության ղեկավարը Truth Social սոցիալական ցանցում։
CNN-ի փոխանցմամբ՝ նմանատիպ գաղափար վերջին շաբաթներին քննարկվել է Մերձավոր Արևելքի և Միացյալ Նահանգների հիմնական խաղացողների կողմից։ Մասնավորապես, առաջարկներից մեկը նախատեսում է Իրանի միջուկային ծրագրում 20-30 միլիարդ դոլարի ներդրումների հատկացում, որոնց միջոցները կտրամադրվեն ոչ թե Միացյալ Նահանգներից, այլ արաբական երկրներից։
Նշվում է, որ ներդրումների հարցը քննարկվել է իրանա-ամերիկյան բանակցությունների մի քանի փուլերում: Բացի այդ, այս թեման բարձրացվել է ԱՄՆ նախագահի դեսպանորդ Սթիվեն Ուիթկոֆի և Պարսից ծոցի երկրների ներկայացուցիչների գաղտնի հանդիպման ժամանակ:
