Չինաստանի արտաքին գործերի նախարար Վան Ին հունիսի 30-ից հուլիսի 6-ը կայցելի Բրյուսելում գտնվող ԵՄ կենտրոնակայան, ինչպես նաև կայցելի Գերմանիա և Ֆրանսիա, ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Գո Ցզյակունը։
«ԵՄ դիվանագիտական ծառայության ղեկավար Կայա Կալասի, Գերմանիայի արտաքին գործերի նախարար Յոհան Վադեֆուլի և Ֆրանսիայի արտաքին գործերի նախարար Ժան-Նոել Բարոյի հրավերով Չինաստանի արտաքին գործերի նախարար Վան Ին հունիսի 30-ից հուլիսի 6-ը կայցելի ԵՄ կենտրոնակայան և կմասնակցի Չինաստան-ԵՄ բարձր մակարդակի ռազմավարական երկխոսության 13-րդ փուլին։
Նա նաև կայցելի Գերմանիա, կմասնակցի անվտանգության հարցերով երկկողմ ռազմավարական երկխոսության 8-րդ փուլին, ինչպես նաև կայցելի Ֆրանսիա, որտեղ կհանդիպի դիվանագիտական գերատեսչության ղեկավարի հետ և կմասնակցի բարձր մակարդակի երկկողմ հումանիտար փոխանակումների մեխանիզմի հաջորդ հանդիպմանը», - նշել է Գուո Ցզյակունը։
