Իրանը հաղթել է Միացյալ Նահանգների հետ առճակատման մեջ, հայտարարել է Իսլամական Հանրապետության գերագույն առաջնորդ այաթոլլա Ալի Խամենեին։
«Իմ երկրորդ շնորհավորանքը նվիրված է մեր սիրելի Իրանի հաղթանակին ամերիկյան ռեժիմի նկատմամբ։ Ամերիկյան ռեժիմը անմիջականորեն միջամտեց պատերազմին, քանի որ զգաց, որ եթե ինքը չմիանա, սիոնիստական ռեժիմը լիովին կոչնչացվի», - ասել է նա ազգին ուղղված իր ուղերձում: Խամենեիի խոսքերը մեջբերել է նրա մամուլի ծառայությունը:
Խամենեին ասել է, որ ԱՄՆ-ը որևէ նպատակի չի հասել Իրանի հետ իր առճակատման մեջ։
«Բայց նա ոչնչի չի հասել այս պատերազմում», - ասել է Խամենեին ազգին ուղղված իր ուղերձում՝ ավելի վաղ անդրադառնալով «ամերիկյան ռեժիմին»։
Ամերիկյան իշխանությունները պատերազմը սկսեցին՝ հասկանալով, որ Իսրայելը դատապարտված է լիակատար ոչնչացման, եթե Թեհրանի հետ հակամարտությունը շարունակվի, հավելել է Գերագույն առաջնորդ այաթոլլան։
