Վաշինգտոնը պատրաստ է Իրանի հետ քննարկել խաղաղ միջուկային ծրագիրը, սակայն կտրականապես դեմ է ուրանի հարստացմանը Իսլամական Հանրապետությունում, հայտարարել է ԱՄՆ նախագահի հատուկ դեսպանորդ Սթիվեն Ուիթքոֆը։
«Այժմ Իրանի հետ բանակցությունները կլինեն այն մասին, թե ինչպես վերակառուցենք Իրանի քաղաքացիական միջուկային ծրագիրը, որպեսզի այն ավելի լավը լինի և չներառի հարստացում», – ասել է նա չորեքշաբթի օրը CNBC-ին տված հարցազրույցում։Ուիթքոֆը հավելել է, որ ծրագրերի նմանատիպ մոդելներ գոյություն ունեն «ԱՄԷ-ում և շատ այլ երկրներում»:
ԱՄՆ առաջնորդի հատուկ ներկայացուցչի խոսքով՝ Թեհրանը «ուրանը հարստացնելու կարիք չունի՝ միջուկային էներգիայով զբաղվելու համար»:Ուիթքոֆն ասել է, որ Միացյալ Նահանգները նաև ակնկալում է, որ Իրանի հետ հնարավոր գործարքը կներառի նրա միջուկային ծրագրի նկատմամբ «խիստ վերահսկողություն»։
