Իսրայելցի զինվորականները սկսել են հարվածներ հասցնել «Հըզբոլլահ» շիա կազմակերպության՝ Բեյրութի արվարձաններում գտնվող օբյեկտների ուղղությամբ, հաղորդել է Իսրայելի բանակի մամուլի ծառայությունը։ Վերջինս հայտարարել է, թե հարվածների թիրախում եղել են «Հըզբոլլահ»-ի զինված թևի՝ լիբանանյան մայրաքաղաքի հարավային արվարան Դահիայում գտնվող 127-րդ ռազմաօդային ստորաբաժանման օբյեկտները։
Ավելի վաղ իսրայելական բանակը դիմել է թիրախավորվող շրջանների բնակիչներին՝ պահանջելով անհապաղ լքել իրենց տները։ Վերջին անգամ Իսրայելը Բեյրութի արվարձաններին հարվածներ է հասցրել ապրիլի վերջին, այդ շրջանից ի վեր հարվածների թիրախ են դարձել միայն Լիբանանի հարավային հատվածները։
Al Jazeera-ի հաղորդմամբ՝ Իսրայելի պաշտպանության բանակը Բեյրութի հարավային արվարձանների ուղղությամբ առնվազն 17 հարված է հասցրել․ նշված շրջաններին հարվածներ են հասցվել իսրայելական անօդաչուներով ու կործանիչներով։
LBCI հեռուստաալիքի տվյալներով՝ Իսրայելը 6 ուղղակի և 10 նախազգուշական հարված է հասցրել․ 1 արկ չի պայթել։
