Եվրոպացի բարձրաստիճան պաշտոնյաները քննարկում են եվրոպացի առաջնորդների և ԱՄՆ նախագահ Դոնալդ Թրամփի միջև պաշտպանության, առևտրի և Ուկրաինային աջակցության վերաբերյալ բանակցությունների ամենավատ սցենարները, հաղորդում է Financial Times-ը՝ հղում անելով անանուն պաշտոնյաների։
«Առևտրի, պաշտպանության և Ուկրաինայի հարցում ընտրությունը վատ արդյունքի և շատ վատ արդյունքի միջև է», - ասել է եվրոպացի բարձրաստիճան պաշտոնյաներից մեկը։
Նշվում է, որ ԵՄ-ում քննարկվող, սպասվող բանակցությունների վատ արդյունքների թվում են ԱՄՆ-ի կողմից Ուկրաինային տրամադրվող օգնության լիակատար դադարեցումը, հետախուզական տվյալների փոխանցման դադարեցումը և ԱՄՆ-ում արտադրված զենքիԵվրոպա փոխանցման արգելքը, ինչպես նաև ԱՄՆ-ի և ԵՄ-ի միջև «լիամասշտաբ առևտրային հակամարտությունը» և ԱՄՆ զորքերի արագ դուրսբերումը Եվրոպայից։Եվրոպական երկրները հույս ունեն, որ հունիսին ՆԱՏՕ-ի գագաթնաժողովում պաշտպանական ծախսերը մեծացնելու իրենց խոստումները կարող են համոզել Թրամփին չկրճատել եվրոպական պաշտպանությանը կամ ուժերի տեղակայմանը տրամադրվող աջակցությունը:
Եվրոպացի պաշտոնյաներից մեկը նշել է, որ Թրամփի հետ նախատեսված հանդիպումներից առաջ ԵՄ-ում մթնոլորտը «շատ լարված» է:
