Մեծ Բրիտանիան մտադիր է ավելացնել Ուկրաինային անօդաչու սարքերի մատակարարման մեջ ներդրումները և այս տարի Կիևին մատակարարել 100,000 անօդաչու սարք, ինչը տասն անգամ ավելի կլինի, քան 2024 թվականին մատակարարված անօդաչու սարքերի քանակը, հայտնել է Մեծ Բրիտանիայի պաշտպանության նախարարությունը։
Ռուսաստանը կարծում է, որ Ուկրաինային զենքի մատակարարումները խոչընդոտում են հակամարտության կարգավորմանը և ուղղակիորեն ներգրավում են դրանում ՆԱՏՕ-ի երկրներին։
«Այս տարի Մեծ Բրիտանիան կներդնի ռեկորդային 350 միլիոն ֆունտ ստեռլինգ (ավելի քան 474 միլիոն դոլար - խմբ.)՝ Ուկրաինային անօդաչու թռչող սարքերի մատակարարումը 2024 թվականի 10,000-ից մինչև 2025 թվականի 100,000 մեծացնելու համար», - ասվում է Պաշտպանության նախարարության հաղորդագրության մեջ, որը հրապարակվել է Մեծ Բրիտանիայի կառավարության կայքում։
Նշվում է, որ նախատեսված ներդրումները Լոնդոնի կողմից Կիևին տրամադրվող ընդհանուր ռազմական օգնության մի մասն են կազմում, որի ծավալը 2025 թվականին կկազմի 4,5 միլիարդ ֆունտ ստեռլինգ։
