Ստամբուլում Ռուսաստանը և Ուկրաինան որոշակի համաձայնությունների են հասել, դրանք կարևոր են և կիրականացվեն, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Ստամբուլում որոշակի համաձայնություններ են ձեռք բերվել։ Դրանք իսկապես կարևոր են։ Այս համաձայնությունները կիրականացվեն, որից հետո աշխատանքը կշարունակվի։ Մենք սպասում ենք փոխանցված հուշագրի վերաբերյալ արձագանքին», - լրագրողներին ասել է Պեսկովը։
Ռուսաստանի Դաշնության և Ուկրաինայի պատվիրակությունների միջև բանակցությունների երկրորդ փուլը տեղի է ունեցել երկուշաբթի օրը Ստամբուլում: Ինչպես բանակցություններից հետո հայտնել է ռուսական բանակցային խմբի ղեկավար Վլադիմիր Մեդինսկին,
Ռուսաստանը և Ուկրաինան համաձայնության են եկել գերիների լայնածավալ փոխանակման շուրջ։
Հիվանդներն ու ծանր վիրավորները կփոխանակվեն «բոլորը բոլորի դիմաց» սկզբունքով, ինչպես նաև կփոխանակվեն 25 տարեկանից փոքր գերիները։ Բացի այդ, կողմերը համաձայնվել են դադարեցնել կրակը որոշակի տարածքներում, որպեսզի հնարավոր լինի հավաքել զոհվածների մարմինները։
