Հարվարդի համալսարանը դատարանին խնդրել է ապասառեցնել ԱՄՆ վարչակազմի կողմից սառեցված 2.5 միլիարդ դոլարի ֆինանսավորումը՝ անվանելով ամենահին համալսարանի դեմ նման գործողությունները անօրինական, հաղորդում է Reuters-ը։
Հարվարդի՝ ԱՄՆ վարչակազմի դեմ Բոստոնի ԱՄՆ շրջանային դատարան ներկայացված հայցի համաձայն՝ ապրիլի 14-ից ի վեր համալսարանը ստացել է 957 հրաման՝ սառեցնելու ազգային անվտանգությանը սպառնացող վտանգների, քաղցկեղի բուժման և վարակիչ հիվանդությունների հետ կապված հետազոտությունների ֆինանսավորումը:
Համալսարանի դեմ նման գործողությունները կապված են Սպիտակ տան պահանջների ցանկի մերժման հետ, ասվում է փաստաթղթում:
Ծրագիրը ներառում է ՄԻԱՎ-ի հետազոտությունների համար դրամաշնորհների կրճատում և Պաշտպանության նախարարությունում կենսաբանական սպառնալիքների մասին իրազեկվածության բարձրացում: Հարվարդը նշել է, որ ֆինանսավորման կրճատումը «կկործանի հանրային առողջապահության հիմնական ոլորտներում իրականացվող հետազոտությունները»:
