ԱՄՆ-ի առողջապահական մարմինները զգուշացնում են՝ նոր տեսակի GII.17 նորովիրուսը դարձել է հիմնական պատճառը 2025-ի նավային ուղևորությունների ընթացքում բռնկված վարակների։ Հիվանդությունը՝ որը առաջացնում է փսխում, լուծ և որովայնային ցավ, արդեն գրանցվել է 16 նավի վրա՝ գերազանցելով նախորդ տարիների ցուցանիշները։ Փոփոխությունները ԱՄՆ Հիվանդությունների վերահսկման կենտրոնում (CDC)՝ ներառյալ նավերի սանիտարական ծրագրի կրճատումները, հարցեր են բարձրացրել վերահսկողության արդյունավետության վերաբերյալ, փոխանցում է APNEWS-ը։
Մասնագետները նշում են, որ նավերի վրա վիրուսը կարող է շատ արագ տարածվել, քանի որ անհրաժեշտ է ընդամենը մի քանի մասնիկ՝ մարդուն վարակելու համար։ Շատ ուղևորներ չզեկուցելով իրենց ախտանշանները, նպաստում են տարածմանը։ CDC-ն նշում է, որ սովորական ձեռքի սանիտարային միջոցները բավարար չեն՝ միայն օճառով ու ջրով լվացումն է արդյունավետ։
Բժիշկներն խորհուրդ են տալիս՝ ձեռքերը հաճախակի լվանալ, խուսափել շփումից հիվանդ ուղևորների հետ, և նավ բարձրանալ միայն առողջ վիճակում։ Չնայած նավային ընկերությունները պարտավոր են իրականացնել մաքրում և մոնիտորինգ, պետական վերահսկողության կրճատումը կարող է խորացնել իրավիճակը։
