ԱՄՆ Սննդամթերքի և դեղերի վարչությունը (FDA) առաջին անգամ հաստատել է արյան թեստ, որը կարող է օգնել ճշգրիտ ախտորոշել Ալցհայմերի հիվանդությունը՝ թույլ տալով ժամանակին մեկնարկել բուժում։Նոր թեստը մշակել է Fujirebio Diagnostics, Inc., և այն հայտնաբերում է բետա-ամիլոիդ կոչվող սպիտակուցային կուտակումները՝ Ալցհայմերի հիվանդության հիմնական նշաններից մեկը։ Մինչ այս, նման ախտորոշումը հնարավոր էր միայն թանկարժեք PET սկանավորումների կամ ողնաշարային հեղուկի հետազոտության միջոցով։
Թեստը հաստատված է 55 տարեկան և բարձր հիվանդների համար, ովքեր ունեն հիշողության խնդիրների վաղ նշաններ։ Այն կարող է նաև պարզել, թե արդյոք հիվանդը համապատասխանում է նոր դեղամիջոցներով բուժման համար, ինչպիսին են Leqembi-ն ու Kisunla-ն, որոնք մի փոքր դանդաղեցնում են հիվանդության զարգացումը՝ ամիլոիդը ուղեղից մաքրելու միջոցով, փոխանցում է APNEWS-ը։
FDA-ի պաշտոնյաներն ընդգծել են, որ սա կարևոր քայլ է հիվանդությունը վաղ փուլում ախտորոշելու և բուժում ապահովելու գործում։ Թեստը կարող են նշանակել միայն բժիշկները, և այն չի նախատեսված կանխարգելիչ օգտագործման համար՝ առանց ախտանիշների։ Այս որոշումը հստակ ազդակ է՝ Ալցհայմերի դեմ պայքարում մատչելի ու արդյունավետ գործիքներ զարգացնելու ուղղությամբ։
