Ավարտվել է քրեական հեղինակություն հանդիսացող անձի կողմից խուլիգանություն դեպքի նախաքննությունը․ ՔԿ

16.10 17:24 | Կատեգորիա Հասարակություն

ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական երկրորդ բաժնում իրականացված բազմակողմանի քննությամբ պարզվել և հիմնավորվել է, որ քրեական հեղինակություն հանդիսացող անձը 2024թ․ ապրիլի 20-ին՝ ժամը 01:45-ի սահմաններում, քննությամբ ինքնությունները չպարզված երեք անձանց հետ այցելել է Երևան քաղաքի Վարդանանց փողոցում գործող ակումբ, որտեղ չնչին առիթով վիճաբանել է քննությամբ ինքնությունները չպարզված անձանց հետ։

Վիճաբանությունը շարունակվել է ակումբի դիմացի հատվածում, որի ընթացքում խուլիգանություն կատարելու ուղղակի դիտավորությամբ՝ սեփական անձի կարծեցյալ առավելությունը ներկաների մոտ ընդգծելու մղումով, համակեցության կանոնների ցուցադրաբար անտեսմամբ, քրեական հեղինակություն հանդիսացող անձը կոպիտ կերպով խախտել է հասարակական կարգը՝ հասարակության նկատմամբ անհարգալից, իրավական ու բարոյական նորմերի նկատմամբ բացահայտ արհամարհական վերաբերմունք ցուցաբերելով, ակումբի դիմաց՝ բնակելի շենքերի տարածքում, տևական ժամանակ աղմկել, բարձրաձայն հայհոյանքներ է հնչեցրել և վիճաբանել քննությամբ ինքնությունները դեռևս չպարզված հիշյալ անձանց հետ՝ չենթարկվելով նշված ակումբի անվտանգությունն ապահովող աշխատակիցների, ինչպես նաև այլ անձանց՝ վիճաբանությունը դադարեցնելու հորդորներին: Նշված հանցավոր արարքի հետևանքով խաչընդոտվել է ակումբի բնականոն աշխատանքը, տարածքում գտնվող անձանց մոտ վախի ու անհանգստության մթնոլորտ է առաջացել:

Նկարագրված խուլիգանական գործողությունների ընթացքում քրեական հեղինակություն հանդիսացող անձը ձեռքերով դիտավորությամբ հարվածներ է հասցրել մեկ այլ անձի:

Ձեռք բերված բավարար փաստերի հիման վրա քրեական հեղինակություն հանդիսացող անձին մեղադրանք է ներկայացվել՝ ՀՀ քրեական օրենսգրքի 297-րդ հոդվածի 2-րդ մասի 1-ին կետով և 195-րդ հոդվածի 1-ին մասով:

Վերջինիս մասով նախաքննությունն ավարտվել է, քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ հաստատելու և դատարան ուղարկելու համար։

Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգովդատարանի` օրինական ուժի մեջ մտած դատավճռով։

Ամենաշատ կարդացվածներ

Սիրելի ժողովուրդ, փակե՛ք ձեր ականջները, մի՛ լսեք Նիկոլին և կտեսնեք իրականությունը. Սամվել Ֆարմանյան (տեսանյութ)

03.06 22:00 | Կատեգորիա Քաղաքական

Ռուսաստանի ճնշմամբ կաթողիկոսը հրաժարական կտա. այս ռեժիմի թեկնածուն Թուրքիայի քաղաքացի է. Մարտիրոսյան (տեսանյութ)

04.06 22:00 | Կատեգորիա Քաղաքական

ԱԺ նախագահը խելքից պակաս ա. առևտուր չենք կարողանալու անել. քաղաքացիները խաղաղության պայմանագրի մասին (տեսանյութ)

03.06 21:25 | Կատեգորիա Հասարակություն

Հայաստանի Մ-21 հավաքականը ոչ-ոքի է խաղացել Կիպրոսի հետ

03.06 23:10 | Կատեգորիա Սպորտ

Հայտնի են Բենուր Փաշայանի անվան 6-րդ հուշամրցաշարի եզրափակչի բոլոր մասնակիցները

04.06 00:55 | Կատեգորիա Սպորտ

Փրկարարները կանխել են հրդեհի տարածումը հարակից շինություններ

04.06 00:00 | Կատեգորիա Պատահարներ

Էլեկտրաէներգիայի պլանային ընդհատումներ կլինեն Երևանում և մարզերի մի շարք հասցեներում

04.06 01:20 | Կատեգորիա Հասարակություն

Իրավապահների մուտքը ժամանցային վայրեր արգելվել է, որտեղ հիմնականում իրացվում են թմրանյութերը

04.06 21:20 | Կատեգորիա Քաղաքական

Հսկայական սառցաբեկորը վերսկսել է լողալ Հարավային օվկիանոսում

04.06 00:16 | Կատեգորիա Ժամանց

ՈՒՂԻՂ