Իսրայելի ռազմաօդային ուժերի կործանիչները կրկին հարձակվել են Բեյրութի հարավային ծայրամասերի վրա, որտեղ շիական «Հեզբոլլահ» կազմակերպությունն ունի օբյեկտներ և ապրում են նրա աջակիցները։ Ինչպես ՏԱՍՍ-ի թղթակցին հայտնել է տեղի քաղաքացիական պաշտպանության ծառայության աղբյուրը, Հարեթ-Հորեյք շրջանում երեք հզոր պայթյուն է լսվել։
«Հարվածներից մեկն իրականացվել է Աշ-Շուրա թաղամասում գտնվող շենքի վրա, որտեղ գտնվում է խորհրդատվական խորհուրդը՝ «Հեզբոլլահի» խորհրդատվական մարմինը», - ասել է զրուցակիցը:
Ըստ նրա՝ սա իսրայելական ավիացիայի առաջին օդային հարձակումն է հոկտեմբերի 10-ից ի վեր, երբ ռմբակոծվեցին Բոստա թաղամասերը, Ռաս ալ-Նաբա և Էն Նուայրին, ինչի հետևանքով զոհվեց 22 մարդ, իսկ 117-ը վիրավորվեցին։
