ԱՄՆ նախագահ Դոնալդ Թրամփը ապրիլի սկզբին իր եգիպտացի գործընկեր Աբդել Ֆաթահ ալ-Սիսիին ասել է, որ ցանկանում է ապահովել ամերիկյան նավերի ազատ անցումը Սուեզի ջրանցքով։ Այս մասին հայտնում է The Wall Street Journal-ը (WSJ)՝ վկայակոչելով աղբյուրներին։
Հրատարակությունը նշում է, որ Սպիտակ տան ղեկավարի գաղափարը հնչել է Կարմիր ծովում նավերի վրա «Անսար Ալլահ» ապստամբական շարժման կողմից Եմենի հութիների շարունակվող հարձակումների ֆոնին, որոնք առաջացրել են ջրանցքով նավերի հոսքի կրճատում և Եգիպտոսի եկամուտների անկում։
Թրամփն իր մտադրությունն է հայտնել Կահիրեի աջակցությունը հութիների դեմ ռազմական օգնության, հետախուզական տվյալների փոխանակման կամ ֆինանսավորման ձևով ստանալու համար, սակայն Սիսին հրաժարվել է կատարել՝ Գազայում հրադադարը անվանելով «հութիներին կանգնեցնելու լավագույն միջոցը», -ասել են աղբյուրները:
Սպիտակ տան Ազգային անվտանգության խորհրդի խոսնակ Ջեյմս Հյուիթը WSJ-ին ասել է, որ Կարմիր ծովում ամերիկյան նավարկության ազատությունը «շահավետ կլինի գործընկեր երկրներին ամբողջ աշխարհում՝ ներառյալ Եգիպտոսին»:Նրա խոսքով՝ այս տարվա գարնանը Վաշինգտոն կատարած այցի ժամանակ Եգիպտոսի պաշտոնյաներին զգուշացվել է, որ ԱՄՆ վարչակազմը կարող է զգալիորեն կրճատել Կահիրեին տրամադրվող տնտեսական աջակցությունը։
