Եվրոպական երկրները պետք է բացվեն էներգիայի բոլոր հնարավոր աղբյուրների համար, այդ թվում՝ Ռուսաստանից, որոնց մատակարարումներից հրաժարվելը սահմանափակել է եվրոպական մրցունակությունը, ասել է տնտեսագիտության դոկտոր, Մադրիդի Կոմպլուտենսի համալսարանի պրոֆեսոր Խուան Անտոնիո դե Կաստրո դե Արեսպակոչագան ՌԻԱ Նովոստիի հետ զրույցում Իսպանիայում էլեկտրաէներգիայի զանգվածային անջատումների ֆոնին։
Ինչպես նշել է գործակալության զրուցակիցը «Աշխարհի ապագան. գլոբալ աճի նոր հարթակ» բաց երկխոսության շրջանակներում, էլեկտրաէներգիայի անջատումը, որից տուժել է հիմնականում Իսպանիան և Պորտուգալիան, եզակի է պատմության մեջ, քանի որ վթարը տևել է ժամեր։
«Սա պետք է մարդկանց արթնացնի, որ մենք կրակել ենք մեր ոտքին, «Հյուսիսային հոսքը» կտրելով՝ մենք Գերմանիային զրկեցինք ռուսական գազ ստանալու հնարավորությունից և սահմանափակեցինք եվրոպական մրցունակությունը, սա շատ թանկ արժե։
Այս ամենը վերանայման կարիք ունի: Հակամարտությունը Ուկրաինայում լուծվում է, մենք անցնում ենք մեկ այլ փուլ, և դրանում պետք է բաց լինել էներգիայի բոլոր հնարավոր աղբյուրների համար, և իհարկե Ռուսաստանի համար։ Եվ Ռուսաստանը նույնպես պետք է բացվի Եվրոպայի առաջ»,- ասել է գործակալության աղբյուրը։
Նա նշել է, որ նման գործընթացի համար ժամանակ կպահանջվի, սակայն կոչ է արել այն սկսել հիմա:
