Իրանական պատվիրակությունը՝ ԱԳ նախարար Աբբաս Արաղչիի գլխավորությամբ, ժամանել է Հռոմում ԱՄՆ-ի հետ բանակցությունների վայր։ Կադրերը հրապարակվել են Իրանի արտգործնախարարի Telegram ալիքում։
Բանակցությունները տեղի կունենան Հռոմում Օմանի դեսպանի նստավայրում։ Սպասվում է ամերիկյան պատվիրակության ժամանումը։
Ավելի վաղ Իրանի արտգործնախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի արտգործնախարար Բադր ալ Բուսաիդիի միջնորդությամբ։
Մինչ ամերիկյան կողմի հետ բանակցությունների մեկնարկը, Արաղչին խորհրդակցություններ է ծրագրել Օմանի իր գործընկերոջ հետ։
