Իրանի նախագահ Մասուդ Պեզեշքիանն ասել է, որ ողջունում է ցանկացած ծրագիր և գործողություն, որը կնպաստի Իրանի և Ադրբեջանի միջև հարաբերությունների զարգացմանը, հայտնում է IRNA-ն։
«Մենք ողջունում ենք երկու երկրների միջև երկաթուղային և ճանապարհային երթուղիների ստեղծումը, ինչպես նաև ցանկանում ենք շարունակել ու ընդլայնել համագործակցությունը էներգետիկայի և գյուղատնտեսության ոլորտներում»,– ասել է նա։
Հանդիպման ընթացքում Պեզեշքիանն ընդգծել է, որ Իրանը կարծում է, որ չի կարելի անտեսել որևէ երկրի ինքնիշխանությունը՝ հավելելով, որ օտարների ներկայությունը ձեռնտու չէ այս տարածաշրջանի երկրներին։ Նա ընդգծել է, որ համատեղ աշխատանքով տարածաշրջանի պետությունները կկարողանան լուծել իրենց խնդիրները։Իրանի նախագահը մեկնաբանել է նաև Իրանում Ադրբեջանի դեսպանատան վրա հարձակում իրականացրած անձի նկատմամբ դատարանի վճռի կատարումը։
«Ադրբեջանի դեսպանատան վրա հարձակում գործած անձի դատավարության առնչությամբ մենք վերահսկելու ենք այս հարցը այնքան ժամանակ, քանի դեռ իրավական գործընթացներն ամբողջությամբ չեն իրականացվել»,– նշել է նա։
