Ուկրաինան Մեծ Բրիտանիայից ստացել է 971 միլիոն դոլարի տրանշ, որն ապահովված է Ռուսաստանի սառեցված ակտիվներից ստացված միջոցներով, ուրբաթ օրը հայտարարել է Ուկրաինայի վարչապետ Դենիս Շմիգալը։
«Ուկրաինան ստացավ առաջին միջոցները Մեծ Բրիտանիայից՝ ապահովված ռուսական սառեցված ակտիվներից ստացված եկամուտներով։ Այսօր մենք ստացել ենք 752 միլիոն ֆունտ ստերլինգ (971 միլիոն դոլար - խմբ.) G7 ERA-ի նախաձեռնության շրջանակներում»,-գրել է Շմիգալը Telegram-ի իր ալիքում:
Ինչպես ավելի վաղ հայտարարել էր Շմիգալը, ընդհանուր առմամբ, G7 ERA-ի երկրների նախաձեռնությունը նախատեսում է Ուկրաինային ուղարկել 50 միլիարդ դոլար, որից 20 միլիարդը կտրամադրի ԵՄ-ն։
Մարտի 1-ին Ուկրաինայի ֆինանսների նախարարության ղեկավար Սերգեյ Մարչենկոն հայտարարեց Մեծ Բրիտանիայի հետ Կիևի ռազմական կարիքների համար 2,26 միլիարդ ֆունտ ստեռլինգ տրամադրելու մասին համաձայնագրի ստորագրման մասին։
