Մինչև այս սպառնալիքները չվերանան, իմ իրավունքն է զբաղվել քաղաքականությամբ, լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանը։
Հարցին, թե Հայաստանի ղեկավարի պաշտոնին հավակնո՞ւմ է՝ Ռոբերտ Քոչարյանը պատասխանեց. «Այդ հարցն ինձ համար հասկանալի չէ։ Ես 2008 թվականից հետո քաղաքականությամբ չեմ զբաղվել, 2018 թվականին քաղաքականությունը սկսեց զբաղվել ինձնով։ Ես եղել եմ և՛ վարչապետի, և՛ նախագահի պաշտոնում, և այդ պաշտոններն այն քաղցրությունը չունեն, չտես մարդիկ կարող են կպնել դրանց և կարծել, որ դա իրենց կյանքի վերջին երազանքն է։ Ես չեմ զբաղվել քաղաքականությամբ, բայց երկիրն այնպիսի արհավիրքների տակ է հայտնվել, որ ինձ ստիպել է վերադառնալ քաղաքականություն, մինչև այդ սպառնալիքները չվերանան, իմ իրավունքն է և իմ թիմի իրավունքն է զբաղվել քաղաքականությամբ»,- ասաց ՀՀ երկրորդ նախագահը։
