Դատական նիստից հետո ՀՀ 2–րդ նախագահ Ռոբերտ Քոչարյանն իր դեմ վերաբացված գործի մասին ասաց, որ այն, ինչ կատարվում է, իրավաբանական խուլիգանություն է։
Նախկին նախագահի խոսքով՝ այս դատական նիստը եթե շարունակվի՝ դատավորի ինքնաբացարկի միջնորդություն կներկայացնեն փաստաբանները։
Ինչ վերաբերվում է գործի ընթացքին, ապա նախագահը նշեց, որ եթե դատավորը ունենա բավարար համարձակություն, ուղղակի կկարճի գործը։
«Օրինական լուծում այս վիճակից պարզապես չկա» ,- նշեց նա։
«Այսօր չկա մեղադրանք, չկա հոդված։ Իմ տպավորությամբ՝ այս գործն այս վիճակում ուղղակի գցել են Առաջին ատյանի դատարանի «գրպանը», այս վիճակից օրինական լուծում ուղղակի չկա»,-հավելեց Ռոբերտ Քոչարյանը։
Հիշեցնենք, որ Հակակոռուպցիոն դատարանում արդարացումից 3 տարի անց վերաբացվել ու քննվում է ՀՀ 2-րդ նախագահ Ռոբերտ Քոչարյանի, ՀԱՊԿ նախկին քարտուղար Յուրի Խաչատուրովի, նախկին փոխվարչապետ Արմեն Գրիգորյանի և նախկին ՊՆ նախարար Սեյրան Օհանյանի վերաբերյալ քրեական գործը։ Վճռաբեկ դատարանը դատարանը բեկանել էր Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգյանի գործը կարճելու վերաբերյալ դատավոր Աննա Դանիբեկյանի որոշումը։
