ԱՄՆ նախագահ Դոնալդ Թրամփը գիտակցում է Ռուսաստանի հետ հարաբերությունները վերականգնելու անհրաժեշտությունը և կենսունակ չի համարում այն մեկուսացնելու փորձերը։
ТАСС-ի փոխանցմամբ՝ այս մասին հայտարարել է Ուկրաինայի և Ռուսաստանի հարցերով ԱՄՆ նախագահի հատուկ բանագնաց Քիթ Քելլոգը։
Նա ընդգծել է, որ Թրամփը դիտարկում է ուկրաինական ճգնաժամը «ինչպես մարդկային, այնպես էլ ամերիկյան ռազմավարության տեսանկյունից»։ «Ավելի լայն ռազմավարությունը, որը Թրամփն իրականացնում է այս հակամարտությունում, հիմնված է այն բանի վրա, որ Միացյալ Նահանգները պետք է վերականգնի իր հարաբերությունները Ռուսաստանի հետ», - ասաց նա՝ ելույթ ունենալով ԱՄՆ արտաքին հարաբերությունների խորհրդի կողմից կազմակերպված առցանց սեմինարում: Ըստ Քելլոգի՝ «Ռուսաստանի հետ շարունակվող մեկուսացումը և չներգրավվածությունը այլևս կենսունակ և կայուն ռազմավարություն չէ»։
Թարգմանությունը՝ Մանուել Թամազյանի
