Սպիտակ տունը քննարկում է մի ծրագիր, որի համաձայն Միացյալ Նահանգները և նրա դաշնակիցները կկարողանան կալանավորել և ստուգել իրանական նավթատարները՝ զանգվածային ոչնչացման զենքերի տարածման դեմ պայքարի միջազգային ծրագրի շրջանակներում, հայտնում է Reuters-ը՝ հղում անելով աղբյուրներին։
ԱՄՆ նախագահ Դոնալդ Թրամփը փետրվարի 4-ին հրամանագիր է ստորագրել Իրանի վրա առավելագույն ճնշում գործադրելու մասին՝ միաժամանակ հույս հայտնելով, որ ԱՄՆ-ը ստիպված չի լինի հաճախակի օգտագործել այն։
«Նախագահ Դոնալդ Թրամփի վարչակազմը քննարկում է իրանական նավթատարները ծովում կանգնեցնելու և դրանք զննելու ծրագիրը՝ որպես միջազգային համաձայնագրի մաս»,- ասվում է գործակալության հայտարարության մեջ։
ԱՄՆ պաշտոնյաներն այժմ ուսումնասիրում են ԱՄՆ դաշնակիցների հնարավորությունները՝ կանգնեցնելու և ստուգելու նավերը, որոնք անցնում են կարևոր նավային ուղիներով, ինչպիսին է Մալակկայի նեղուցը, ասում են աղբյուրները:
Գործակալության զրուցակիցներից մեկի խոսքով՝ այս միջոցները, եթե ընդունվեն, օտարերկրյա կառավարություններին թույլ կտան գործել Վաշինգտոնի խնդրանքով, ինչը կհանգեցնի նավթի մատակարարումների հետաձգմանը և բացասաբար կանդրադառնա Թեհրանի եկամուտների վրա այս ոլորտում։
