Եվրահանձնաժողովի ղեկավար Ուրսուլա ֆոն դեր Լայենն ասել է, որ Եվրոպան «վտանգի տակ է», ուստի, ԵՄ վերազինման ծրագիրը ներառում է ներդրումներ պաշտպանության ոլորտում և Կիևին զենքի մատակարարում ռազմական գործողությունները շարունակելու համար։
«Եվրոպան բացահայտ վտանգի առջև է կանգնած, ուստի, Եվրոպան պետք է կարողանա պաշտպանել իրեն։ Մենք ցանկանում ենք Ուկրաինայի համար ստեղծել իրավիճակ, որտեղ նա կարող է պաշտպանվել և հասնել կայուն խաղաղության։ Ուստի, այսօր ես եվրոպացի առաջնորդներին կներկայացնեմ Եվրոպան պաշտպանության ոլորտում 800 միլիարդ եվրոյի ներդրումներով վերազինելու ծրագիր»,-ասել է նա Բրյուսելում Ուկրաինայի և Եվրոպայի պաշտպանության և անվտանգության հարցերով հատուկ գագաթնաժողովի մեկնարկից առաջ:
Ռուսաստանը կարծում է, որ Ուկրաինային զենքի մատակարարումները խանգարում են հակամարտության կարգավորմանը և դրան ուղղակիորեն ներգրավում ՆԱՏՕ-ի երկրներին։
