ՄԻՊ Անահիտ Մանասյանն արձագանքել է մամուլում տարածված տեղեկությանը, որ Ազատության հրապարակում հացադուլ իրականացնող Մանե Թանդիլյանն իրեն չի ընդունել։
«Երբ իմ աշխատակազմը տեղեկացրեց այդ տեղեկության մասին, շատ տարակուսած էի, քանի որ ընդհանրապես նման իրավիճակ, քննարկում չի եղել Ազատության հրապարակում, երբ այցելել էինք։ Ի սկզբանե գաղափարը եղել է այն, որ աշխատակազմը հետարքրվել է, թե արդյոք հնարավոր է խոսել այդ անձանց հետ, մեզ տեղեկացրել է գործընկերը, որ տիկին Թանդիլյանը այդ պահին քնած է»,– ասաց նա՝ հավելելով, որ բժիշկ ներկայացած անձն իրենց տեղեկացրել է, որ Մանե Թանդիլյանն իրեն թույլ է զգում և ի վիճակի չէ շփվել։
«Փորձել ենք հասկանալ մեր մասով ինչ աջակցություն կարող ենք ունենալ տվյալ իրավիճակին։ Ինձ համար տարակուսելի է, որ նման մարդասիրական միջացառման վերաբերյալ է նման տեղեկություն տարածվում, ինչով փոխվում է այդ միջոցառման էությունը»,– նշել է ՄԻՊ–ը՝ հավելելով, որ այդ կերպ միջոցառումը դառնում է «ներքաղաքական»։
