Ռուսաստանը փոխզիջման հնարավորություն չի տեսնում Ուկրաինայում օտարերկրյա «խաղաղապահների» տեղակայման հարցում, հայտարարել է ՌԴ արտգործնախարար Սերգեյ Լավրովը։
«Մենք փոխզիջումների տեղ չենք տեսնում այս քննարկումն անցկացվում է բացահայտ թշնամական նպատակով», - ասել է Լավրովը Զիմբաբվեի արտգործնախարար Ամոն Մուրվիրայի հետ կայացած մամուլի ասուլիսում։
Ինչպես հիշեցրել է ռուս նախարարը, եթե Ուկրաինայում օտարերկրյա զորախումբ տեղակայվի, արևմտյան երկրները չեն ցանկանա համաձայնության գալ խաղաղ կարգավորման պայմանների շուրջ, քանի որ այդ կոնտինգենտը «տեղում փաստեր» կստեղծի։
The Telegraph թերթը, հղում անելով բրիտանական կառավարության աղբյուրներին, հունվարի 16-ին հաղորդել է, որ Մեծ Բրիտանիայի և Ֆրանսիայի առաջնորդները գաղտնի քննարկում են հակամարտության ավարտից հետո «խաղաղապահ ուժերի» համատեղ ուղարկումը Ուկրաինա։
